Џо Бајден го прекршил кралскиот протокол кога неговата поворка пристигнала на вечерата за учесниците на Г7 по англиската кралица Елизабета Втора.
Американскиот претседател прво се состана со кралицата Елизабета Втора за време на самитот во Корнвол вчера, на кој се собраа седум светски лидери во англискиот приморски град.
Делегацијата на Бајден со 18 автомобили пристигна во Eden Project пет минути откако кралицата пристигна таму со принцот Вилијам и Кејт, и принцот Чарлс и Камила.
Сите гости треба традиционално да пристигнат пред кралицата за која било официјална пригода. Сепак, пристигнувањето на Бајден по кралицата Елизабета не го расипа расположението на состанокот и кралицата срдечно разговараше со претседателот на САД.
Водечки авторитет за кралски бон-тон рече дека „правилно е секој да пристигне пред кралската личност, и според протоколот, на ниту еден гостин не му е дозволено да го напушти настанот пред тоа да го направи некој член на кралското семејство“.
Многу луѓе се собраа на официјалниот влез на Eden Project, додека членовите на кралското семејство и други службеници доаѓаа на вечера.