Бајден повика на обединување на нацијата, Трамп нема да го покани во Белата куќа

МИА/КАЈГАНА
/ 08.11.2020 / 09:54

Новоизбраниот американски претседател Џо Бајден вчеравечер се обрати на длабоко поделената нација, заложувајќи се за единство и разбирање по четирите години на власт на претседателот Доналд Трамп, кој засега не покажа никакви знаци дека планира да го признае поразот.

„Дојде време Америка да се обедини“, порача новоизбраниот претседател Џо Бајден во својот прв говор откако беше прогласен за победник на изборите во САД од водечките медиуми во САД.

Бајден говорот го одржа во Вилмингтон, Делавер, неговото постојано место на живеење.

Неговиот настап вчера се исчекуваше со нетрпение низ цела Америка, откако попладнето илјадници граѓани, претежно млади, се собираа по улиците на големите градови како Филаделфија, Њујорк, Вашингтон и Аталанта да прослават за неговата победа.

„Ветувам дека ќе бидам претседател кој ја обединува нацијата… Јас сум демократ, но ќе работам напорно како Американец“, порача тој.

„Народот го кажа своето, тие ни ја обезбедија победата“, истакна Бајден, обраќајќи се на нацијата од Вилмингтон, Делавер.

„Сакам да бидам претседател кој нема да разединува, туку што обединува, претседател што не гледа сини и црвени држави, туку Соединети Американски Држави“, истакна Бајден.

Тој најави дека ќе даде сѐ од себе Америка да ја направи почитувана низ целиот свет.

„Јас сум сопруг на Џил и не би бил тука без неа. Џил ќе биде одлична прва дама“, рече избраниот претседател, дополнувајќи дека не би бил тука вечерва без љубовта на неговата сопруга, деца, внуци и целото семејство.

Тој ѝ се заблагодари и на Камила Харис, која со него е избрана за потпретседателка на САД. Бајден, исто така, им се заблагодари на сите што овозможија одржување на изборите среде пандемијата.

Remote video URL

Тој потенцираше дека го разбира разочарувањето на приврзаниците на Трамп.

„Јас изгубив неколкупати. Но сега, ајде да си дадеме шанса едни на други. Ова е време Америка да се исцели“, потенцираше поранешниот потпретседател на САД.

„Ајде да бидеме онаква нација каква што можеме да бидеме. Избран сум од демократите, но ќе бидам претседател и за оние што не гласаа за мене…Треба да престанеме да гледаме на опонентите како на непријатели. Да ја завршима тажната ера на демонизаиција, овде и сега.“

URL

На поддржувачите на актуелниот претседател, Доналд Трамп, им порача: „Дајте ни шанса“. Бајден потоа цитираше извадоци од Бибилјата кои завршуваат со зборови „време е за исцелување“.

Порача дека неговата Администрација ќе соработува напорно и ефективно со научната заедница на САД за да се победи пандемијата, дека ќе гради просперитет и ќе им се дава „праведна можност на сите“. Дека ќе се изгради здравството и усоврши американската демократија.

URL
Харис: Се раѓа нов ден за Америка

Избраната потпретседалка, Камала Харис, во најавата за настапот на Бајден истакна дека „се раѓа нов ден за Америка“. Харис, сенаторка од Демократската партија од Калифорнија, е првата Афроамериканска жени на таа позиција. Таа има индиско и јамајканско потекло.

„Избравте надеж, наука и вистина. Го избравте Џо Бајден за следен претседател на САД“, потенцираше Харис.

Таа го опиша Бајден како стабилен и цврст човек, а за неговата сопруга Џил рече дека ќе биде одлична прва дама. Таа исто така им се заблагодари на сите жени кои работеа за правото на глас на жените.

Харис, исто така, им се заблагодари на сопругот, мајка си и целото семејство.

„Можеби сум првата жена на оваа позиција, но не сум последна. Бидејќи ова е земја на можности. Сонувајте со амбиција“, рече таа.

„За Американците, без оглед за кого гласавте. Ќе му бидам потпретседателка на Џо, како што беше тој на Барак Обама“, потенцираше досегашната сенаторка.

Трамп не планира да го покани Бајден во Белата куќа

Американскиот претседател Доналд Трамп не планира да го покани новоизбраниот претседател Џо Бајден во Белата куќа во наредните денови, изјави извор за CNN.

Традиционално, во Овалната соба се организира средба помеѓу сегашниот лидер и новоизбраниот претседател. Трамп често ја споменува својата средба со Барак Обама на 10 ноември 2016 година, вклучително и дека разговарале за Северна Кореја.

Претходно, американскиотпретседател објави дека не го признава својат пораз иако медиумите во САД веќе го најавија Бајден за нов претседател.

Уставот на САД не бара кандидат да признае пораз од својот противник, но тоа е долга традиција во американската политика и се смета за знак на мирна транзиција на власта.

Демократите ја задржуваат контролата во Претставничкиот дом

Демократската партија на САД ја задржува контролата врз Претставничкиот дом, јави CNN.

Иако сѐ уште има нерешени проблеми, статистичките модели на медиумите покажуваат дека демократите го задржуваат мнозинството.

Демократите во моментов имаат 211 место, со 218 потребни за контрола на Долниот дом. Освојуваат две места и губат седум.

Републиканците имаат 197 места, освоија  осум и загубија две.

До јануари нема мнозинство во Сенатот на САД

Одлуката за мнозинството во американскиот Сенат ќе биде донесена во јануари во Џорџија, што е многу важно за претседателскиот мандат на Џо Бајден и веќе е предмет на интензивна политичка борба.

Ниту републиканскиот сенатор Дејвид Пердју, ниту неговиот демократски ривал Џон Ософ не успеаја да добијат повеќе од 50 проценти од гласовите, па тие ќе се натпреваруваат во вториот круг на 5 јануари. Вториот претставник на Џорџија во Сенатот ќе биде назначен истиот ден.

Доколку демократите ги освојат тие две места, тие ќе го преземат Сенатот од републиканците. Во САД ниту еден закон не може да се донесе без согласност на Сенатот.

„Сега ја земаме Џорџија и го менуваме светот“, рече лидерот на демократите во Сенатот, Чак Шумер, пред насобраните во Њујорк, славејќи ја победата на Бајден.

Републиканците во моментов имаат мнозинство во Сенатот, со 53 од 100 места. Истовремено со претседателските избори, се одржаа избори за 35 места во Сенатот. Ако ја презеде функцијата на 20 јануари како американска потпретседателка, Камала Харис може да гласа и да одлучи да гласа доколку односот е 50-50.

Демократите ги поразија републиканските сенатори во Колорадо и Аризона, но загубија едно место во Алабама. Освен изборите во Џорџија, резултатите од изборите за еден сенатор од Северна Каролина и еден од Аљаска не се познати, иако според достапните податоци работите одат во прилог на републиканците.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Свет

Fox News открива: САД потрошиле најмалку 113 милијарди долари за војната во Украина

Read more

Во Таџикистан уапсени 9 лица поврзани со масакрот во Москва

Read more

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more
 

Вести

В недела посебен сообраќаен режим во Скопје поради атлетска трка

Читај повеќе

Инспектори затекнале диви менувачници на Бит-пазар, но наместо да ги запечатат, им дозволиле да работат

Читај повеќе

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе