Продолжува додворувањето од таборот на Манчестер Јунајтед кон Серхио Рамос кој сѐ уште го нема продолжено договорот со Реал Мадрид.
Централниот дефанзивец на „Црвените ѓаволи“ и репрезетативец на Брегот на Слоновата Косна, Ерик Баји, упати низа пофалби кон Серхио Рамос кој според шпекулациите треба да биде негов нов соиграч.
„Мојата најголема инсирација отсекогаш бил Рамос. Долго време му се возхитував поради она што го прави во фудбалот и како продолжува да игра на високо ниво“, бели Котиворијанецот.
„За мене тој е еден од најдобрите играчи во историјата на фудбалот. Секој има свое милсење, но тој е еден од најдобрите, совршена референтна точка за мене“.
„Ако ме прашате да бирам помеѓу Меси и Роналдо, јас би го одбрал Рамос“, рече Баји во гостувањето на YouTube каналот на Гијом Балаге.
Баји е во Јунајтед од 2016 година кога дојде од редовите на Виљареал, а претходно настапуваше за Еспањол.
Договорот на Рамос со кралскиот клуб истекува во јуни, а сѐ уште го нема продолжено. Тој е долгогодишен капитен на клубот во кој игра уште од 2005 година. Кариерата ја почна во Севиља.
