Ниту 40-те поени на Вокер не беа доволни за Селтикс да ја прекинат серијата на лидерот на Истокот.
Дербито во Источната конференција помеѓу лидерот Милвоки Бакс и третопласираниот Бостон Селтикс му припадна на домашниот тим со пет поени разлика.
Најефикасен на натпреварот беше Кемба Вокер од редовите на гостите кој постигна 40 поени, 11 скокови и 3 асистенции. Кај домашниот тим тоа беше Гркот Јанис Адетокумбо со 32 поена, 17 скокови и 7 асистенции.
Голден Стејт дојде и до 10-тиот последователен пораз иако беше многу блиску да ја прекине оваа лоша серија бидејќи гостите од Денвер победата ја однесоа дури по продолженија. Вил Бартон со 31 поен и Малик Бизли со 27 беа најефикасни кај Нагетс, додека Алек Баркс со 25 кај Вориорс.
Каваи Ленард ги предводеше Клиперс до 29-тата сезонска победа постигнувајќи 32 поена на натпреварот со Орландо.
Резултати:
Њујорк Никс - Феникс Санс 98:121
Милвоки Бакс - Бостон Селтикс 128:123
Њу Орлеанс Пеликанс - Јута Џез 138:132 (прод.)
Голден Стејт Вориорс - Денвер Нагетс 131:134 (прод.)
Лос Анџелес Клиперс - Орландо Меџик 122:95
