„Лажни вести“ ги нарекоја властите во Баку информациите дека Азербејџан добива сириска и турска помош во војната со Ерменија.
„Помеѓу Турција и Азербејџан постојат стратешки партнерски врски, а тука се и братските односи. Но, во овој конфликт Турција не е инволвирана како трета страна“, вели Хикмет Хаџијев, главен осветник во кабинетот на азербејџанскиот претседател.
„На Азербејџан не му е потребна никаква помош од трета страна. Имаме силни вооружени сили. Имаме доволно наши ресурси. Азербејџан има население од 10 милиони и со тоа имаме доволно и резервен состав“, рече тој.
Хаџијев ги негираше и тврдењата од ерменска страна дека за Азербејџан се борат сириски милитанти како платеници.
„Тоа се тешки лажни вести. Дури нема ни логика бидејќи азербејџанските војници многу добро го знаат теренот и се навикнати на борба во планински предел“, Хаџијев алидира на тоа дека Сиријците се борат во низок и пустински предел, за разлика од планинските предели на Кавказ каде се води војната.
Затоа пак, советникот на претседателот Илхам Алијев ја нападна Франција чиј што претседател Емануел Макрон претходно изјави дека поседува цврсти докази дека сисриски милитанти се борат на страната на Азербејџан.
„Франција отсекогаш била про-ерменска бидејќи таму живеат 500 илјади Ерменци. Франција не може да биде медијатор бидрејќи не се однесува како целосно да ја разбира ситуацијата, а воедно и фаќа страна“.
Продолжува војната за решавање на статусот на непризнатата република Арцах, територија која се наоѓа во Азербејџан, но е населена во Ерменци. Регионот Нагорно-Карабах е само дел од спорното парче земја.