Бањаја победи пред Мартин, страшен инцидент ја обележа трката во Малезија

Страшниот инцидент, за среќа без последици, во кој се најде Џек Милер од КТМ, ја одбележа трката за ГН на Малезија, во која победи Пеко Бањаја пред Хорхе Мартин и Енеа Бастјанини.

На патеката „Сепанг“, на стартот, австралискиот возач изгубил контрола откако имаше контакт со Фабио Куартараро, а во инцидентот ни крив ни дожен настрада и тимскиот колега на Милер, Бред Биндер.

Трката беше прекината набргу потоа за да му се помогне на Милер, бидејќи веднаш беше очигледно дека Куартараро и Биндер се релативно добро.

Милер требаше да биде пренесен во болница со амбулантно возило, но набрзо беше утврдено дека тоа не е неопходно бидејќи за среќа повредите не беа сериозни.

Што се однесува до трката на „Сепанг“, претпоследната трка сезонава, првото место го освои возачот на Дукати, Франческо Бањаја. Актуелниот шампион четири круга водеше епска борба со лидерот во генералниот пласман, Мартин.

Неколку пати двајцата се менуваа на челната позиција. На крајот Бањаја успеа да се одвои и да ја забележи 10-тата победа во сезоната.

И покрај тоа што заврши зад Бањаја, Мартин го задржа водството во генералниот поредок, има 24 поени повеќе, па овосезонскиот Мото ГП ќе има фотофиниш, кој ќе се одржи на 17 ноември на патеката во Барселона.