Бањаја победи во Јапонија, Мартин стартуваше 11-ти, заврши втор

Возачот на Дукати, Франческо Бањаја, триумфираше на Големата награда на Јапонија, 16-тата трка во Мото ГП шампионатот.

Актуелниот шампион водеше од почеток до крај за неговата прва победа на патеката „Мотеги“ во кралската класа, и негова осма во сезоната. Најблиску до Бањаја беше Хорхе Мартин од Прамак Дукати. Шпанецот возеше неверојатна трка која ја започна од 11-тото место. На третото скалило на подиумот се најде возачот на Гресини, Марк Маркес.

Ваквиот исход значи дека Бањаја ја намали разликата во однос на Мартин на 10 поени, а до крајот на сезоната остануваат уште четири трки.

Бањаја на стартот го мина Педо Акоста кој стартуваше од пол-позицијата, додека Мартин направи пробив и по само неколку свиоци од 11-тото дојде до 4. место.

Возачот на Гас Гас, Акоста, се задржа на втората позиција, а потоа излета во четвртиот круг, се врати во трката, но се повлече во 15-тиот круг.

Тогаш Мартин стигна до второто место, во еден момент дојде на 7 десетинки од Бањаја, но во ниту еден момент не можеше да му се закани. Бранителот на титулата го зголеми темпото на половина од трката,

Мартин во финишот заостануваше секунда и пол зад Бањаја.

Шампионатот во Мото ГП продолжува со Големата награда на Австралија од 18 до 20 октомври.