Барса ги покажа првите фотки од новиот „Камп Ноу“ вреден 1,5 милијарди евра

Барселона сподели фотографии од редизајнираниот стадион „Камп Ноу“, на кој ќе се вратат на почетокот на следната година.

Целосниот проект за реновирање беше вреден 1,5 милијарди евра за да се зголеми неговиот капацитет на неверојатни 105.000.

Оттогаш, Барселона своите натпревари ги игра на „Монжуик“, а првобитното враќање на „Камп Ноу“, кое беше планирано за 125-годишнината на клубот на 29 ноември, беше одложено за вториот дел од сезоната.

„Нема точни датуми за враќање на ‘Камп Ноу’, во моментов не можеме да кажеме ништо за тоа, но сме на добар пат. Градскиот совет го знае нашиот целосен план. Ги следиме сите безбедносни протоколи и имаме доби зелено светло од неколку институции Сега ќе треба брзо да работиме за да ја вратиме лиценцата за повторно отворање на стадионот“, изјави потпретседателката на Барселона, Елена Форт.

Заедно со информациите за враќањето, беа споделени и нови фотографии од култниот стадион, кои покажуваат значителни промени на стадионот, па така идниот „Камп Ноу“ вклучува три огромни екрани наменети за привлекување фудбалски фанови и туристи, што го прави еден од најважните карактеристики на стадионот.

Дополнително, новиот стадион ќе има најголем покрив кога се стадионите во Европа во прашање, а споменатиот екран дава увид што ќе видат фудбалерите на Барселона кога ќе ги направат првите чекори на теренот.

Стадионот, наводно, ќе користи зелени извори на енергија преку 18 илјади квадратни метри соларни панели кои произведуваат сопствена енергија и генерираат нула CO2.

Уште во август Барселона изјави дека стадионот ќе биде „место достојно за најдобриот тим во светот“.