Многу потешко од очекувањата Барселона го совлада последнопласираниот Еспањол и го испрати во Сегунда.
Едвај, со само еден постигнат гол наспроти очекувањата за голеада, екипата на Барселона славеше во популарното Дерби Барселони над екипата на Еспањол, лутиот градски ривал.
Одлучувачкиот гол беше делот на Луис Суарес во 53. минута кога налета на една одбиена топка од удар на Лео Меси.
Неколку минути пред тој гол на Уругваецот, главниот судија Хосе Мунуера Монтеро покажа два директни црвени картони. Поради опасен старт над Фернандо Калеро прв настрада младиот Ансу Фати кој само што влезе во игра на полувремето, за 4 минути на терен се врати во соблекувалната. Во 53. минута силите на теренот се израмнија откако Пол Лосано направи сличен старт над Жерард Пике.
Барса и Еспањол го одиграа 212-тото Дерби Барселони во сите официјални натпреварувања. Во победите Барселона е убедлива со 124 наспроти оние 44 на Еспањол и исто толку нерешени.
Со синоќешниот пораз Еспањол останува закован на дното со 24 бодови, 11 зад безбедната зона. Бидејќи до крајот има да одигра уште 3 натпревари, Еспањол веќе и математички е испаднат. Последен пат популарните „Перикитос“ играа во Сегунда во сезоната 1993/94.