Петмина играчи на Барселона и двајца членови на стручниот штаб добиле позитивни резултати за COVID-19 на првите тестирања на почетокот на пандемијата, но клубот не ја објавил оваа информација.
Оваа вест прво беше објавена во емисијата Tú Diràs на каталонското радио RAC1, а денеска ја пренесе влијателниот шпански весник AS.
Кај петте играчи и двајцата членови болеста била асимптоматска, а на повторените тестови – пред да се вратат на тренинг – веќе биле негативни.
Не се нагласува кои биле заразените, доколку овие информации воопшто се вистинити, а од клубот досега не ја негираа, ниту потврдија веста.
Барселона треба да се врати во Ла Лига на 13 јуни, кога се соочува со Мајорка.
