Новиот главен тренер на Барселона, Роналд Куман, не смета на напаѓачот Луис Суарес. Уругваецот разбира дека ќе мора да го смени клубот, но преговара за тоа во какви услови ќе ја напушти Каталонија, наведува Marca.
Главниот тренер на Барса демонстративно не дозволува Суарес да тренира во општата група. Така, клубот врши притисок врз играчот што побрзо да го напушти тимот.
Претходно, фудбалерот беше близу до трансфер во Јувентус, но на крајот го одложи потпишувањето на договорот. Тој се сомневаше дека преселбата во италијанскиот клуб ќе биде вистинскиот чекор.
Луис Суарес (33) минатата сезона забележа 36 настапи за каталонскиот клуб и постигна 21 гол со 10 асистенции.