Економскиот извештај на Барселона, објавен од клубот и кој детално ќе биде објаснет на Собранието свикано на 9 октомври, открива детали за финансиите по спортските прашања.
Поточно, она што се однесува на долгот на каталонскиот клуб кон други тимови за трансфери, меѓу кои е и трансферот на Миралем Пјаниќ од БиХ.
Барселона треба на клубовите со кои направи трансфери да им плати сума од 128 милиони евра, а Барса на Јувентус му должи 36 милиони евра за Миралем Пјаниќ, кој дојде на Камп Ноу во замена за Артур, за кого италијанскиот тим повеќе не им должи на Каталонците.
Во 2020 година Пјаниќ се пресели од Јувентус во Барселона, Артур тргна во спротивен правец, а овие промени не донесоа ништо добро за двајцата, кои целосно исчезнаа од големата фудбалска сцена.
Каталонците за Пјаниќ платија 60 милиони евра, додека бјанконерите за Бразилецот издвоија 72 милиони евра.
На крајот, откако оваа сезона беше позајмен во Бешикташ, Пјаниќ се пресели во Ал Шарџа од Обединетите Арапски Емирати, додека Артур по бројните проблеми со повреди на крајот од преодниот рок замина во Ливерпул, но допрва треба да заигра во Премиер лигата.
