Фудбалерите на Барселона во новата сезона ќе тргнат со нови дресови. Направен е редизајн на актуелните дресови, па играчите на Барселона во нови дресови ќе се обидат да ја вратат шампионската титула.
Домашниот дрес е претставен претходно месецов, а навивачите беа одушевени од изгледот на дресот во кој беа задржани традиционалните сини и црвени линии.
„Денеска официјално ги претставуваме новите дресови за сезоната 2020/21. Нивниот дизајн е инспириран од првата златна ера на нашиот клуб. Од денеска тој дрес е во продажба на клупските продавници“, соопштија тогаш од Барса.
Сега и гостинските дресови добија нова варијанта, а навивачите во коментари под видеото на објавените дресови искажаа одушевување. Некои дури бараат овој дрес да биде примарен.
