Белешките на мртвите Севернокорејци откриваат ужасна тактика: Човекот мамка треба да биде на 7 метри од дронот

Макфакс
/ 13.01.2025 / 12:31

Рачно напишаните белешки пронајдени покрај телата на загинатите севернокорејски војници убиени на бојното поле во областа Курск во Русија откриваат ужасна тактика во која војниците на Пјонгјанг се користат како „мамка“ за соборување на украинските беспилотни летала.

Украинските сили за специјални операции пронашле белешки во кои војниците опишале смртоносни тактики и ја изразиле својата љубов кон нивниот лидер Ким Џонг Ун и копнежот да се вратат во својата татковина, пишува британски The Telegraph.

На еден од цртежите од пронајдената тетратка се гледа како војник излегува за да го привлече вниманието на дрон, додека неговите двајца другари чекаат да го соборат.

„Кога мамката стои, дронот ќе застане и ќе биде соборен“, напишал војникот во своите белешки.

Детално е опишано како „човечката мамка“ треба да стои на 7 метри од украинскиот дрон, кој потоа ќе биде „неутрализиран со прецизен удар“.

Воените набљудувачи и украинските команданти велат дека севернокорејските војници не се обучени за модерно војување и дека Русите ги користат како топовско месо, испраќајќи ги пеш преку отворени полиња, без артилериска поддршка, за да ја тестираат украинската одбрана, додека се придружувани од мали групи руски специјални сили.

Околу 4.000 Севернокорејци веќе се убиени или повредени, изјави во четвртокот украинскиот претседател Володимир Зеленски. Американските власти проценуваат дека само во последната недела од декември биле убиени повеќе од 1.000 војници од Пјонгјанг.

Рачно напишаниот дневник, кој беше пронајден на 21 декември, му припаѓал на млад војник кој загинал на фронтот заедно со двајца сонародници, соопштија украинските специјални сили.

Неколку дена претходно, украинските сили заробија двајца севернокорејски војници кои рекоа дека мислеле оти биле испратени во Украина на обука, а не на вистинска борба.

Зеленски му ги понуди заробените војници на Пјонгјанг во замена за украинските воени затвореници кои се држат во Русија, додавајќи дека Киев „сигурно ќе зароби повеќе севернокорејски војници“ во иднина.

Многу од илјадниците севернокорејски регрути испратени во Русија во октомври сѐ уште биле тинејџери. Паднатиот војник чиј дневник бил пронајден на бојното поле во руската област Курск, опишал како му недостасувале родителите и како го прославил роденденот на својот колега.

„Копнеам по мојата татковина, откако ја напуштив топлата прегратка на моите драги татко и мајка, додека овде во Русија го славам роденденот на мојот најблизок другар Сон Џи Мјон“, напишал војникот.

Неговиот дневник покажува и како младиот регрут бил длабоко индоктриниран и целосно лојален на севернокорејскиот диктатор Ким Џонг Ун.

„Дури и по цена на мојот живот, без двоумење ќе ги извршувам наредбите на врховниот командант“, напишал младиот човек.

Според договорот за „взаемна воена помош“ потпишан со Владимир Путин минатиот јуни, Ким испрати околу 12.000 регрути да им помогнат на руските сили да ги протераат украинските војници од регионот Курск.

Во замена за војници и залихи на ракети и артилериски гранати, Путин наводно ѝ испраќа гориво на Северна Кореја и му помага на Ким да лансира шпионски сателити.

Руските воени блогери велат дека војниците на Кремљ се обидуваат да ги истуркаат преостанатите украински воени единици од регионот Курск пред Доналд Трамп да положи заклетва како американски претседател на 20 јануари, по што би можел да се обиде да наметне мировен договор.

реклама

Гледач откри нова грешка во клучната сцена на Titanic

Read more

Претепан возач на пајак-службата

Read more

Израел подготвува план за заминување на Палестинците од Газа: Нека ги примат Шпанија, Ирска, Норвешка, Канада

Read more

Ништо нема да оди како што треба: Знаци на кои не им се пишува добро во февруари

Read more

Свет

Израел подготвува план за заминување на Палестинците од Газа: Нека ги примат Шпанија, Ирска, Норвешка, Канада

Read more

Повторно пукање во Брисел, најмалку еден повреден

Read more

Планот на Трамп да стави крај на војната во Украина наскоро ќе биде откриен, познати се првите детали

Read more

Трамп, опкружен со деца, потпиша забрана за трансродовите жени во женскиот спорт

Read more
 

Вести

Синедејс 2025 отвора повик за кратки филмови

Читај повеќе

Камбовски: Комисијата да одлучува внимателно во постапката за Јованов, чувствително е оти предметот е пред Апелација

Читај повеќе

Здружението на судиите: Јавната осуда на судија не смее да биде поткрепена со непотврдени шпекулации

Читај повеќе

Се степале двајца лекари во операциона сала во штипската болница

Читај повеќе

Анализа на Сојузот на стопанските комори: Супермаркетите работат со ниски профити, доставувачите го диктираат пазарот

Читај повеќе

Израел подготвува план за заминување на Палестинците од Газа: Нека ги примат Шпанија, Ирска, Норвешка, Канада

Читај повеќе

Мицкоски очекува откако ќе им се изгласа интерпелација членовите на Судски совет да бидат доблесни и сами да се повлечат

Читај повеќе

Повторно пукање во Брисел, најмалку еден повреден

Читај повеќе

Се воведува Итно копче за брза помош на центарци

Читај повеќе