Пилотот на борбениот авион навреме се исфрлил со падобран, а авионот завршил во барака. За среќа нема загинати.
Инцидентот се случи утринава во Леуварден воздухопловната база во Холандија, каде авионот изведувал вежба. Холандските воздухопловни сили го потврдија настанот.
„Авионот се заби во барака за време на полетувањето и како резултат на тоа две лица се повредени. Пилотот успеа навреме да се катапултира. Немаше пожар, ниту експлозија“, соопштија од Воздухопловните сили.
„Стоевме на ридот кај Марсум. Одеднаш слушнавме сулна бучава и тогаш ја видовме опашката на F-16 како со голема брзина се движи кон бараката. Момент подоцна излезе пламен, веројатно поради катапултирањето на пилотот“, вели очевидец на настанот.
Ова не е прв инцидент во Леуварден воздухопловната база. Во април 2019 година холандски F-16 мораше принудно да следа откако авионот некако успеал сам да се застрела кога пилотот почнал да пука со 20-милиметарскиот топ.