Бијонсе стана најнаградуваната пејачка во историјата на Греми наградите. Американската пејачка постави рекорд со освојување на дваесет и осмата Греми награда.
Бијонсе стана најнаградуваната жена во историјата на Греми наградите на 63-тото доделување. Таа имаше девет номинации, најмногу од сите изведувачи во 2021 и испиша историја.
„Многу сум почестена и возбудена“, изјави Бијонсе, прифаќајќи ја наградата за најдобра изведба во категоријата Ар-ен-би.
Поп-пејачката Тејлор Свифт стана првата пејачка на која трипати ѝ е доделено Греми за најдобар албум. Оваа година ја доби наградата за албумот „Folklore“, којшто го сними за време на вонредните ситуации поради пандемијата на коронавирусот. Пред тоа, само пејачите Френк Синатра, Пол Симон и Стиви Вондер беа наградени трипати за најдобар албум на годината.
Со својата 28. Греми награда, Бијонсе се изедначи со продуцентот и композитор, легендарниот Квинси Џонс. Само диригентот Џорџо Солти е награден со Греми неколкупати повеќе од нив – вкупно 31 награда.
Песната „Everything I Wanted“ на Били Ајлиш освои Греми за песна на годината. Британецот Хери Стајлс победи во поп-соло категоријата за изведба на „Watermelon Sugar“, што е и негово прво Греми.
Раперката Меган Ди Сталион е прогласена за најдобра дебитантка, 26-годишната пејачка исто така беше наградена за рап изведбата на „Savage“, на кој гостува Бијонсе.
Миранда Ламберт за „Wildcard“ освои Греми за најдобар кантри албум.
Дуа Липа освои Греми за најдобар поп албум.