Богатите нека заборават на бифтек од говедско месо затоа што Бил Гејтс сака да ја наполнат чинијата со синтетичко месо за да ја зачуваат планетата.
Коосновачот на Microsoft и филантроп го заменил говедското месо со синтетичка варијанта и во интервју за MIT Tech Review тврдеше дека богатите земји треба да го сторат истото.
Иако исхраната со растителни намирници не е одржлива во „најсиромашните 80 земји“, Гејтс вели: „Мислам дека сите богати земји треба да преминат на 100 % синтетичко говедско месо. Може да се навикнете на разликата во вкусот што ќе се подобрува со тек на време.“
Во својата нова книга „How to Avoid a Climate Disaster“ („Како да се избегне климатска катастрофа“), тој вели дека не е тајна дека индустријата предизвикува акумулација на челик и цемент, што ја труе планетата, а тоа придонесува за емисии на штетни гасови кои предизвикуваат ефект на стаклена градина. Покрај тоа, индустриски одгледуваните крави сочинуваат една третина од сите емисии од добиточно производство. Затоа смета дека треба да се стори нешто.
„Да им кажете на луѓето дека веќе не можете да имате крави ќе биде политички непопуларен пристап. Затоа, заради здравјето на планетата, најдобра опција е да се префрлите на замени за месо“, рече милијардерот.
„Месото одгледувано во лаборатории најверојатно нема да биде крајниот лек за климатската катастрофа. Не знам дали некогаш ќе биде економично. За месото во земјите со среден и висок приход, мислам дека е можно, но тоа е едно од прашањата што треба да се следат со години, па да видиме“, заклучи тој.