Ниту 55-те поени на Бредли Бил не беа доволни за Вашингтон да оствари победа дома над лидерот Милвоки губејќи на продолженија.
Тимот на Милвоки Бакс водеше цело време во „Капитал Уан“ арената во Вашингтон добивајќи ги првите три четвртини, но во последната домашните кошаркари успеаја да ја надополнат целата негатива. Во еден монент во третата четвртина Милвоки водеше и со плус 20 поени. Регуларниот дел заврши 123:123 по што продолженијата го решија победникот. На крајот сепак победата замина за Милвоки.
Убедливо најефикасен на паркетот беше домашниот бек Бредли Бил кој постигна неверојатни 55 поени, а сепак натпреварот го напушти поразен. Зад него со 40 поени беше Крис Мидлтон од гостинскиот табор за кој Јанис Адетокунбо запиша 22 поена и 14 скокови.
Милвоки со скор од 49-8 е прв на Истокот каде Вашингтон е 9-ти со 20-36 и грчевито се бори да влезе во местата кои водат во плеј-оф.
Резултати:
Кливленд Кавалирс - Мајами Хит 125:119
Филаделфија 77-ерс - Атланта Хокс 129:112
Вашингтон Визардс - Милвоки Бакс 134:137
Бруклин Нетс - Орландо Меџик 113:115
Хјустон Рокитс - Њујорк Никс 123:112
Далас Маверикс - Минесота Тимбервулвс 139:123
Јута Џез - Феникс Санс 111:131
Лос Анџелес Клиперс - Мемфис Гризлис 124:97