Раперката Карди Би е прогласена за жена на годината по избор на Billboard, иако оваа година објави само една песна. Оваа вест не ги израдува баш сите, многумина сметаат дека таа не ја заслужи титулата.
Сепак, важно е да се нагласи дека песната што раперката ја издаде е една од најголемите хитови оваа година. Станува збор за песната „WAP“ која ја издаде заедно со Меган Ти Сталион.
„За сите вие кои приговарате имам само една песна. Да, ја имам само таа песна. Сите ја знаете. Тоа е таа песна која најмногу се продаде, најмногу беше стримувана, поради која републиканците цвилеа на Fox News“, е дел од пораката на Карди Би со објавена видео снимка на Instagram.
Песната „WAP“ предизвика бројни реакции откако беше објавена во август, а многумина тогаш ја нарекоа најконтроверзна песна на годината. Насловот е скратеница за „Wet Ass Pussy“, а покрај експлицитните стихови внимание привлече и сексуалната атмосфера во спотот.
Песната предизвика и предизвик на TikTok, кој вклучува тверкање и заводливи танц движења.