Низ интернет медиумите се појавија куп лажни вести кои ги наведуваат гласачите да заокружат или чкртнат нешто плус на гласачкото ливче, а со тоа намерно да изнудат нивните ливчиња да бидат неважечки со цел да поништат колку што е можно повеќе гласови од противничкиот табор.
Оваа предизборна кампања беше дефинитивно една од најлошите досега, ако не и најлоша. Повеќето рекламни спотови на партиите служеа да го омаловажат конкурентот, отколку да понудат некое решение за вистинските проблеми во земјава.
И по почнувањето на предизборниот молк, кампањата продолжи во поинаков правец. Сега преку лажните вести се наведуваат гласачите при гласањето покрај заокружувањето на редниот број на партијата за која ќе гласаат, да чкртнат или да заокружат уште нешто плус. БИЛО КАКВА ЧКРТАНИЦА ОСВЕН ОНАА НА РЕДНИОТ БРОЈ НА ПАРТИЈАТА ЗНАЧИ НЕВАЖЕЧКО ЛИВЧЕ.
Се појавија написи дека сите што се против новото име на државата, да го чкртнат зборот Северна на гласачкото ливче, со изговор дека само така ќе им се важи гласот. Доколку направите такво нешто, вашето ливче ќе биде неважечко и џабе сте излегле на гласање. Доколку вашето ливче по гласањето има РЕПУБЛИКА СЕВЕРНА МАКЕДОНИЈА тогаш вашиот глас ќе биде неважечки.
Потоа излезе друга верзија. Сите оние кои го одобруваат новото име, треба на гласачкото ливче да го заокружат зборот Северна за ливчето да им биде важечко. Заокружете го и џабе сте гласале, ќе ви биде неважечко, а вие насамарени.