Шефот на Ферари, Матија Биното, верува дека Шарл Леклер на крајот би можел да стане лидер на тимот каков што своевремено беше Михаел Шумахер.
Според Биното, моменталната ситуација во Ферари е нешто слична на тоа кога тимот се формирал околу Шумахер.
– Понекогаш правам такви споредби. И навистина има некои сличности, несомнено. Ферари направи многу инвестиции од 1995 до 2000 година. Исто така, инвестираме не само во технологија, туку и во луѓе, се обидуваме да ангажираме млади и талентирани инженери. Како што и самите можете да видите, во последниве години, Ферари ангажираше многу млади инженери, кои денес почнуваат да стануваат костур на тимот.
– Во тие денови, Ферари имаше лидер, тоа беше Михаел Шумахер. Денес, ми се чини, имаме лидер во Шарл Леклер. Иако е јасно дека тој не е толку искусен како Михаел, бидејќи тој не е светски шампион. Но, ние имаме тркач кој е лидер на патеката за тимот. И мислам дека целата наша компанија е посветена на постигнување успех и започнување на победнички циклус во иднина, изјави Биното.
– Шарл сега е многу помлад од Михаел тогаш. Како што често се случува, тој треба да се развива, да собере тим околу него. И идниот успех на Ферари ќе зависи од тоа како Леклер ќе се покаже како лидер. Иако ми се чини дека Михаел по природа беше многу силен лидер. Шарл треба да продолжи да развива лидерски квалитети, потенцира Биното.
