Мекензи Скот, бившата сопруга на Џеф Безос, најави дека ќе подари уште 2,7 милијарди долари во добротворни цели. Филантропката јавно откри кој ќе ја прими донацијата, именувајќи 286 организации во САД.
Таа напиша дека заедно со сопругот Ден Џевет донираат пари во знак на доверба и охрабрување на оние кои го жртвуваат своето време во создавање на подобар живот за другите.
Во пораката на блогот вели дека светското богатство е концентрирано меѓу мала група луѓе и додаде дека таа и нејзиниот сопруг побарале помош да одлучат како најефикасно да ги распределат парите.
„Над 700 милиони луѓе во светот и понатаму живеат во сиромаштија. За да најдеме решенија, сите имаме увид на терен и во разновидното ангажирање, па затоа им дадовме приоритет на организациите со локални тимови со посебен фокус на подобрување на жените и девојчињата“, напиша таа во соопштението. „Затоа што веруваме дека тимовите со искуство на фронталните линии на предизвикот знаат најдобро како да ги вложат парите во добри цели, одлучивме да им дозволиме сами да одлучат како ќе ги искористат парите“, вели Мекензи.
Најновите организации коишто ќе примат донации се уметнички центри, универзитети и групации задолжени за преселување бегалци, кои имаа ниско ниво на финансирање поради пандемијата.