Кошаркарите на Далас Маверикс го победија Феникс Санс со 99:95 како гости и покрај тоа што го загубија Лука Дончиќ поради повреда, кој го исчаши зглобот на почетокот на натпреварот.
Словенечкиот кошаркар малку бизарно се повреди откако при обидот да дрибла нагази противнички играч и си го свитка зглобот. Дончиќ потоа со куцаше замина во соблекувалната на почетокот на првата четвртина и не се врати. Натпреварот го зварши без поени, без асистенции и со 1 скок, а на паркетот мина вкупно 3 минути и 21 секунда.
Спенсер Динвиди постигна рекордни за сезоната 36 поени и го предводеше Далас до победата, додека Дориан Фини-Смит додаде 18 поени и 12 скока.
Кем Џонсон и Крис Пол ги предводеа Санс со по 22 поена, а Деандре Ајтон постигна дабл-дабл учинок со 19 поени со 20 скокови.
Најинтересно беше во „ТиДи Гарден“ арената во Бостон каде Селтикс играа против Њујорк Никс, а гостите победија со 120:117 по продолжение.
Џулиус Рендл постигна 37 поени со 9 скока и ги погоди клучните слободни фрлања кои ја обезбедија победата на Никс. Џејлен Брунсон додаде 29 поени со 7 асистенции, а Имануел Куикли го заврши натпреварот со 17 поени и 5 скока.
Џејсон Тејтум, пак, постигна 35 поени со 14 скокови. Џејлен Браун додаде 22 поена, но тоа не беше доволно за Селтикс да го избегнат третиот последователен пораз.
Резултати:
Бостон Селтикс - Њујорк Никс 117:120 (прод.)
Бруклин Нетс - Детроит Пистонс 122:130
Шарлот Хорнетс - Чикаго Булс 111:96
Хјустон Рокитс - Кливленд Кавалирс 95:113
Феникс Санс - Далас Маверикс 95:99
Лос Анџелес Клиперс - Сан Антонио Спарс 138:100
Табела:
