На Twitter беше споделена снимка од бесниот крал Чарлс III кој се нафрли на еден слуга откако му ја немаше отстрането футролата за пенкала, што му пречеше додека ја потпишуваше кралската заклетва.
Илјадници корисници на Twitter се бесни на начинот на кој новиот крал се однесува кон своите слуги.
На видеото кое се шири се гледа дека бесниот крал во еден момент ја турка настрана кутијата за пенкала и остро погледнува во службеникот. Брзо се појавува рака која ја трга кутијата, за подоцна да биде вратена за потписот на принцот Вилијам.
Деновиве многумина се сеќаваат на написот објавен во Daily Mirror во кој Пол Бурел, поранешен батлер на Чарлс и принцезата Дијана, откри некои детали од приватниот живот на кралот, кои веројатно не би сакал да ги прочита во весниците.
Кралот наводно наутро има бизарни барања за своите слуги. Слуга секое утро мора да му ги пегла пижамите и врвките за чевли. Чарлс бара чепот во неговата када да биде ставен во одредена положба, а водата за капење да биде на одредена температура.
Сепак, најбизарното барање се однесува на неговото четкање заби. Чарлс има слуга кој секое утро истиснува паста на неговата четка.
Чарлс, сепак, не се однесува секогаш како крал. Бурел во таа прилика рече дека како принц често ги терал своите синови Вилијам и Хари сами да го собираат ѓубрето кога оделе на излет во природа, дури и кога ѓубрето не било нивно.