Близнаците на Дарен Флечер се капитени на две различни репрезентации

Тајлер и Џек Флечер се браќа близнаци за кои допрва треба да слушнеме во фудбалскиот свет, а интересно е што синовите на легендата на Манчестер Јунајтед играат за две различни репрезентации.

Легендарниот фудбалер на Манчестер Јунајтед, Дарен Флечер, кој речиси 14 години играше за клубот од „Олд Трафорд“, во 2007 година ги доби синовите Џек и Тајлер, близнаци кои се истакнуваат во младинските категории.

Двајца фудбалери пораснаа и сега тропаат на вратата на сениорскиот фудбал. И двајцата играат за младинскиот тим на Манчестер Јунајтед и прашање на време е кога ќе заиграат за сениорскиот тим.

Но, она што е интересно во оваа приказна е што двајцата фудбалери играат за различни репрезентации, а и двајцата се капитени.

Дарен Флечер е Шкотланѓанец и играше за репрезентацијата на неговата земја, но неговите синови имаат различни ставови.

Тајлер Флечер одлучи да игра за Шкотска, додека Џек Флечер се предомисли и го замени дресот на Шкотска за Англија.

Браќата близнаци пред само неколку дена ги одиграа своите натпревари за различни репрезентации и како капитени ги предводеа селекциите на Англија, односно Шкотска до 18 години.

За работите да бидат уште поинтересни, пред година и пол двајца фудбалери одиграа натпревар еден против друг на мечот меѓу Шкотска и Англија.

Додека Тајлер Флечер (Шкотска) е дефанзивен играч за врска, неговиот брат близнак Џек Флечер (Англија) игра поофанзивна улога и е офанзивен играч за врска. Бидејќи и двајцата се родени во Манчестер, имаат право да играат за Англија, а дали тоа ќе се промени во иднина и дали ќе играат заедно за една од овие две репрезентации, останува да видиме.