Поранешниот миленик на чеченскиот лидер Рамзан Кадиров и поранешен ММА борач Абдул-Керим Едилов е пронајден мртов во неговиот стан. Веста за неговата смрт предизвика бројни реакции.
Локалните власти сè уште не ја наведуваат причината за смртта на триесет и едногодишниот поранешен борач, не е познато дали станува збор за смрт по природен пат или Едилов починал од насилна смрт.
Едилов беше успешен ММА борач, но УФЦ го отпушти поради неговите блиски врски со Кадиров, како и поради неговиот однос кон ЛГБТ заедницата.
Тој беше миленик на Кадиров, па дури и ги учеше неговите синови на боречки вештини. За своите исклучителни заслуги, еднаш беше назначен за вицепремиер.
Сепак, Едилов падна во немилост на Кадиров пред една година, односно непосредно пред почетокот на руската агресија врз Украина.
Набргу исчезна луксузот со кој располагаше, па Едилов се пензионира и за него се знаеше многу малку во јавноста, сè додека не беше пронајден мртов во неговиот стан.
Во неговата ММА кариера, во која го доби прекарот Чеченски лав, имаше вкупно 21 борба и оствари резултат од 17 победи и четири порази.