Унгарската Влада тврди дека без никакво појаснување Twitter им го суспендирал официјалниот профил на таа социјална мрежа.
„Се чини дека дојде овој нов доблесен свет, во кој технолошките гиганти ги замолчуваат оние што имаат поинакво мислење. Ги презедовме потребните чекори и очекуваме официјално објаснување од Twitter“, напиша портпаролот на унгарската влада Золтан Ковач на Facebook.
Тој рече дека „ова е многу интересно со оглед на фактот дека Европската комисија денеска ќе го објави првиот извештај за владеењето на правото“.
Кога суспендира нечиј профил, се појавува следната забелешка: Twitter суспендира налози кои ги прекршуваат правилата на Twitter“. Како прекршување на правилата на Twitter, меѓу другото се наведуваат говор на омраза, поттикнување на насилство, објавување манипулативни вести и слично.