Компанијата Blue Origin успешно тестираше подобрена верзија на New Shepard, во која луѓето ќе патуваат во вселената.
Како дел од мисијата NS-14, капсулата New Shepard е успешно лансирана од тест локацијата во Тексас. Подобрената верзија успешно се одвои од истоимената ракета две и пол минути по лансирањето, а потоа со помош на падобран безбедно слета на површината.
Ракетата New Shepard користи BE-3ракетен мотор на хидроген, а достигна висина од 106 км. Со други зборови, ја мина меѓународно признатата граница на вселената.
Новата капсула, позната и како RSS First Step, содржи неколку подобрувања. Доби звучници и микрофон на секое седиште, уреди кои овозможуваат континуирана комуникација меѓу астронаутите и контролата на мисијата со едноставно притискање на копче.
Секое седиште е опремено со систем за алармирање со панел кој пренесува важни безбедносни пораки до патниците.
Капсулата доби уреди за поништување на бучава, контрола на системот на ладење и влажноста за регулирање на температурата и спречување на замаглување на прозорците, како и систем на елиминација на јаглен диоксид. Во капсулата има 6 седишта.
Засега не е познато кога Blue Origin ќе испрати луѓе во вселената.