BMW го претстави освежениот електричен кросовер iX3

BMW ја претстави редизајнираната верзија на моделот iX3.

Потполно електричниот кросовер iX3 е присутен на пазарот нешто повеќе од 2 години, а германската компанија одлучи да го освежи.

Светлата се за 10 мм потенки и доаѓаат со matrix LED технологија во стандардната опрема, а достапни се и ласерски светла, поседува 19-инчни фелни од легура, а достапни се и новите аеродинамични 20-инчни фелни со ознаката M.

Во внатрешноста се наоѓа дигиталниот 12,3-инчен и редизајниран инфозабавен систем со екран чувствителен на допир.

Го движи електричен мотор кој развива 282 КС и 400 Nm максимален вртежен момент. Од 0 до 100 км/ч забрзува за 6,8 секунди.

Со батеријата од 80kW доволно е да се поминат 460 километри.

Овој модел ќе биде претставен на Саемот за автомобили во Минхен во септември.