Германскиот произведувач на автомобили најави дека поради финансиската криза, предизвикана од COVID-19, ќе отпушти околу 5.000 работници.
BMW неодамна ја претстави освежената Серија 5, a наскоро на пазарот ќе ја видиме и Серија 4, но и покрај тоа компанијата ќе отпушта вработени.
Пандемијата со коронавирусот предизвика многу проблеми на aвтомобилската компанија BMW која се обидува да ги намали трошоците и поради тоа, околу 5.000 луѓе ќе ја изгубат работата.
Финансискиот директор на BMW, Николас Пит рече дека овие мерки го вклучуваат и намалувањето на работни часови, заминување на неплатен одмор, а се очекува компанијата да го додаде и пакетот за предвремено заминување во пензија.
