Премиерата на овој автомобил предизвика поделени мислења и започна бројни дискусии меѓу фановите, но од BMW тврдат дека се сигурни дека брендот оди во вистинска насока.
XM е само вториот самостоен М модел во историјата, но и еден од најконтроверзните автомобили на BMW во моментов. Спортскиот модел тежок речиси три тони предизвикува најмногу дискусии кога станува збор за дизајнот.
Оливер Ципсе, првиот човек на BMW, изгледа воопшто не е загрижен. Освен тоа, во едно неодамнешно интервју дадено по повод американската премиера на новите серии 7 и i7, тој изјави дека останува новиот екстравагантен дизајн на BMW.
Ципсе рече дека контроверзниот дизајн на M3/M4 и новиот XM завршиле одлична работа, привлекле нови клиенти и помогнале да се развие брендот.
„Ако сакате да имате модерен дизајн кој гледа напред, автоматски ќе ја добиете етикетата ‘контроверзен’ и секако дека ние го сакаме тоа. Тоа не значи дека луѓето нема да го купат и ние само сакаме да предизвикаме дебата за тоа ‘што прават овде?’ Гледаме многу од тоа со XM. Овде има многу дебати, но речиси сите го сакаат тоа“.
Ако се прашувате како дошле до оваа стратегија за користење на контроверзниот дизајн, Ципсе открива дека анализирал стар модел на BMW.
Доаѓаме до познатата BMW Серија 7 E65. Дизајниран е од Крис Бенгл, на стартот предизвика бројни реакции, а на крајот се продаде подобро од стилски многу поуспешната генерација на E38.
„Сакам контроверзии. Ако немаме контроверзии, веднаш знам дека е премногу лесно. Во раните фази на дизајнот, ако нема контроверзии, тоа е грешка што ја правиш на почетокот. Од контроверзии добиваш ангажираност. Ги терате луѓето да размислуваат за тоа и да размислуваат за алтернативи“, заклучува Ципсе.