Компанијата Boeing кон крајот на минатата недела успешно го изврши првиот тест лет на новиот авион 737 Max 10, најголем во семејството 737 Max.
По успешниот лет, Boeing започна со процесот на сертификација којшто ќе овозможи авионот да влезе во служба во 2023 година.
Ова се добри вести за компанијата чии модели од 737 семејството се приземјени по две катастрофални несреќи, а испораката беше запрена поради проблеми со електрониката. Успешниот лет би требало да помогне во враќањето на доверба кон компанијата.
По откажувањето бројни нарачки, побарувачката ненадејно порасна, а компаниите United Airlines, Copa Airlines и Virgin Australia веќе нарачаа над 500 примероци од моделот 737 Max 10.
Авионот е долг 43,5 метри со што стана најдолг со еден премин меѓу седиштата. Може да прими околу 230 патници. Дизајниран е да биде ривал на моделот 321 Neo Airbus, има пространа внатрешност, за 50% потивки мотори, 14% помала потрошувачка на гориво и слично.
