Јута Џез продолжува да гази во НБА, а ноќеска го среди и Денвер Нагетс во натпревар во кој брилјираше Бојан Богдановиќ.
Во еден прилично израмнет натпревар Јута оствари победа над Демвер за да го задржи врвот на Западот. Првата четвртина беше доста ефикасна, а ја добија гостите за само еден поен (40:41), додека домашните победата ја одработија во последната четвртија која ја добија со 8 поени разлика (29:21) за конечни 127:120.
Хрватот на паркетот во „Вивинт Смарт Хоум“ арената во Солт Лејк Сити мина 39 минути за кои успеа да уфрли дури 48 поени во гостинскиот обрач, а притоа запиша и 8 скокови, како и само 2 асистенции. Имаше и добра реализација во обидите за 3 поени постигнувајќи 8 тројки од 11 обиди.
Зад него според поените се најдоа двајца гостински кошаркари и тоа Мајкл Портер со 31 поен и Никола Јокиќ кој запиша дабл-дабл со 24 поени и 13 асистенции, а за еден скок не стигна до трипл-дабл откако остана на 9 реализирани скокови.
По 67 одиграни натпревари Јута и натаму е лидер на Западната конференција со скор од 49-18, за една победа пред Феникс Санс кој е втор со 48-19. Во истата конференција Денвер е четврти со 44-23. И двата тима веќе го осигурано пласманот во осминафиналето од плеј-офот.
Резултати:
Филадрелфија 76ерс - Њу Орлеанс Пеликанс 109:107
Чикаго Булс - Бостон Селтикс 121:99
Шарлот Хотнетс - Орландо Меџик 122:112
Мајами Хит - Минесота Тимбервулвс 121:112
Милвоки Бакс - Хјустон Рокитс 141:133
Далас Маверикс - Кливленд Кавалирс 110:90
Јута Џез - Денвер Нагетс 127:120
Феникс Санс - Њујорк Никс 128:105
Портланд Треил Блејзерс - Лос Анџелес Лејкерс 106:101
Сакраменто Кингс - Сан Антонио Спарс 104:113