Спортската драма „Ford v Ferrari“ на Disney и 20th Century Fox се најде на првото место на бокс-офисот во Северна Америка, со заработка од 31 милион долари.
Филмот во режија на Џејмс Менголд, со Кристијан Бејл и Мет Дејмон во главните улоги, дебитираше со успех кој ги надмина очекувањата.
За разлика од него, премиерите на „Charlie’s Angels“ и „The Good Liar“ се најдоа на третото, односно седмото место на бокс-офисот.
Акционата комедија „Charlie’s Angels“ заработи само 8,6 милиони долари, доволно да се најде на третото место, под воената драма „Midway“, која заработи 8,7 милиони долари во вториот викенд на прикажување.
На четвртото место се најде „Playing with Fire“, со 8,5 милиони долари, додека романтичната комедија „Last Christmas“ со 6,7 милиони долари се најде на петтото место.
Ова е целосната листа:
1. Ford v Ferrari – 31 милион долари
2. Midway – 8,7
3. Charlie’s Angels – 8,6
4. Playing with Fire – 8,5
5. Last Christmas – 6,7
6. Doctor Sleep – 6,1
7. The Good Liar – 5,6
8. Joker – 5,6
9. Maleficent: Mistress of Evil – 5,2
10. Harriet – 4,8 милиони долари.
