Втор викенд по ред „Godzilla vs. Kong“ е на врвот на бокс-офисот во Северна Америка, со заработка од 13.4 долари. И покрај влијанието на пандемијата и рестрикциите во киносалите, филмот заработи 69.5 милиони долари.
Засега, „Godzilla vs. Kong“ е филм со најголема заработка во време на пандемијата, пред „Tenet“ на Кристофер Нолан (58.4 милиони долари).
На второто место на листата е акциониот трилер „Nobody“ со заработка од 2.6 милиони долари. Следен е хоророт „The Unholy“ на Sony со заработка од 2.4 милиони долари.
Четврт најгледан филм изминатиот викенд во САД и во Канада е „Raya and the Last Dragon“ со заработка од 2.1 милион долари.
На петтото место се најде премиерата на „Voyagers“, со заработка од 1.3 милиони долари.