Дури ни Спајдермен не е безбеден од хорор филмовите, „Scream 5“ заработи 30.6 милиони долари на бокс-офисот во Северна Америка изминатиот викенд. Оваа бројка ги надмина очекувањата во индустријата.
„Scream“ се најде на врвот на бокс-офисот во САД и во Канада, со што го симна од врвот „Spider-Man: No Way Home“ кој еден месец беше најгледан филм во киносалите.
Од Paramount изјавија дека филмот заработил 35 милиони долари од прикажувањето изминатиот викенд, повеќе од четвртото продолжение во 2011 година со заработка од18 милиони долари.
Премиерата на хорор филмот, во кој главните улоги ги толкуваат Дејвид Аркет, Нив Камбел и Кортни Кокс, се покажа солидна за киносалите кои се трудат 2022 година да биде поразлична од претходните две. Иако филмот не урна некој рекорд, сепак дава надеж за филмската индустрија.
На второто место се најде „Spider-Man: No Way Home“ со заработка од 20,8 милиони долари, додека „Sing 2“ е на трето место со 8.3 милиони долари.