Фронтменот на U2, Боно Вокс, во едно неодамнешно интервју изјави дека се срами од повеќето песни на славниот бенд.
„Се возев со автомобилот и една наша песна свиреше на радио. Ме фати срам. Всушност, се срамам од повеќето песни што ги изведуваме. Не сум особено горд на нив. Морам да признаам дека сакам да ја слушам Miss Sarajevo“, рече тој во интервју за Hollywood Reporter.
Песната ја напиша со легендарниот Брајан Ено, а објавена е во 1995 година. Боно еднаш рече дека преку „Miss Sarajevo“ всушност ја критикува меѓународната заедница дека не направила доволно за да ја запре опсадата на Босна и Херцеговина.
Хероината на песната е Инела Ногиќ, која во 1993 година беше избрана за Мис Околено Сараево.
Боно додаде дека особено му се допаѓа песната „Vertigo“. Тој е најголемиот критичар на сопствениот глас.
„Мислам дека неодамна станав пејач. Веројатно некои луѓе сè уште не го препознале мојот талент, но јас ги разбирам“, рече тој.