Платформата за резервација на сместување Booking.com најави реорганизација на своето работење, сигнализирајќи дека може да ги намали работните места.
Анализата на работењето штотуку започна и уште не е донесена конкретна одлука, објавија преку е-пошта компанијата, членка на групацијата Booking Holdings.
„Ова е тежок, но неопходен проактивен чекор кој треба да ја гарантира агилноста на Booking.com во високо конкурентен сектор и иновации фокусирани на клиентите“, се вели во соопштението.
На крајот на минатата година, Booking Holdings вработуваше околу 23.600 луѓе, според годишниот извештај на групацијата, кој не вклучува посебни податоци за Booking.com.
Во петокот, групата напиша во поднесување до американската Комисија за хартии од вредност (SEC) дека ќе даде повеќе детали за временската рамка на реорганизацијата и нејзиното веројатно влијание врз вработените и финансиите „во догледно време“.
„Веруваме дека овие напори ќе ја подобрат оперативната ефикасност на трошоците, ќе ја подигнат организациската агилност на повисоко ниво и ќе ги ослободат ресурсите за инвестирање во понатамошно подобрување на нашата понуда за патниците и партнерите“, се вели во поднесувањето.
Booking Holdings додаде дека како дел од реорганизацијата ќе ги модернизира процесите и системите и ќе ги оптимизира набавките. Анализата опфаќа само Booking.com, а не и други брендови, како Priceline, Agoda, Kayak и OpenTable, истакна портпаролот на компанијата.
Кон крајот на октомври, Booking Holdings објави дека вкупните оперативни трошоци во третиот квартал биле за 14,3 отсто повисоки од минатата година, достигнувајќи 4,8 милијарди долари.
Вкупниот приход е зголемен за девет отсто, на 7,99 милијарди долари. Бројот на ноќевањата е зголемен за 8,1 отсто, на 299 милиони.
По растот на приходите следеше бруто вредноста на резервациите која достигна 43,4 милијарди долари. Бројот на ноќевањата е зголемен за 8,1 отсто, на 299 милиони. Нето добивката се задржа на минатогодишното ниво и изнесува 2,5 милијарди долари.
Побарувачката во Европа и многу азиски земји за патувања во странство е стабилна и компензира за послабите резултати во сегментот на домашни патувања во САД и Кина поради послабата лична потрошувачка во услови на макроекономски тешкотии, наведуваат тие.
