Јадењето од боранија и компири се прави навистина лесно, а може да се служи и како салата.
Подготвено на овој начин, јадењето од боранија и компири може да послужи како прилог и како главно јадење, во зависност од тоа колку сте гладни. Дури и оние кои не се љубители на боранија, кога ќе се подготви со омилениот зеленчук нема да можат да одолеат. Сѐ е многу едноставно, боранијата прво се вари, а потоа се додава во претходно пропржените компири.
Потребни состојки:
- 300 гр зелена боранија
- 2 компира со средна големина
- 120 мл вода
- 100 гр шери домати
- 1 кромид
- зелени маслинки
- 20 мл маслиново масло
- сол
- бибер
Подготовка:
Ако летово сте замрзнале зелена боранија, искористете ја сега, ако не, можете да купите и замрзната. Ако вашата е замрзната исечкајте ја на помали парчиња, а доколку е купечка тогаш ставете ја цела во тенџере и прелијте ја со вода. Посолете ја и варете додека на проврие, а потоа оставете ја уште 7-8 минути. Компирите исечете ги на коцки, па на загреано масло прво пропржете го сечканиот кромид, а потоа додадете ги компирите. Кратко пржете, па додадете шери домати пресечени на половинки, посолете, побиберете и истурете вода (709 мл) во која претходно варевте боранија. Кога водата ќе почне да врие, поклопете и варете 8 минути. Проверете дали компирите се доволно меки, па додадете боранија и турете уште малку од водата во која се варела боранијата (околу 40 мл). Додадете маслинки кои претходно на кратко сте ги потпекле и промешајте. Оставете на оган уште 2-3 минути.
Или, следете ги постапките на видеото (само игнорирајте го напишаното на македонски бидејќи е невешто преведено со Google Translate):