Не само во Калчото, туку и на Островот борбата за преостанатите места во Лигата на шампионите е крајно неизвесна и ќе се решава во последните три кола.
Двата клуба од Манчестер, ривалите Сити и Јунајтед веќе ги резервираа своите места во европската елита, но преостанатите две места се во отворена борба за која во игра се четири клуба.
Третопласиран и во одлична форма е Челси кој до крајот има два домашни натпревари од кои еден со директниот конкурент Лестер. Но, Челси, за разлика од останатите клубови, треба да одигра и две финалиња од кое првото, она во ФА купот е веќе в сабота против, повторно, Лестер, додека она поважното, во Лигата на шампионите е по завршувањето на сезоната во Премир лигата.
Арсенал (дома)
Лестер (дома)
Астон Вила (гости)
Двата кикса со Саутемптон и Њукасл го пратија Лестер на 4. место и навестија завршница како онаа лани кога тимот во последните кола излезе од местата кои водат во Лигата на шампионите. Лестер киксираше против послабите, па сега го очекува пеколен распоред до крајот, плус ФА куп финалето со Челси.
Манчестер Јунајтед (гости)
Челси (гости)
Тотенхем (дома)
Изненадувањето на сезоната Вест Хем досега можеше да биде меѓу првите четири, но на последните четири натпревари претрпе дури 4 порази. Има 5 бодови зад 4. место, но вкупно 9 бодови се во игра, па шанси постојат бидејќи има и полесен распоред, иако двапати гостува.
Брајтон (гости)
Вест Бром (гости)
Саутемптон (дома)
Ливерпул има сезона за заборав, а неизборувањето место во елитата ќе биде голем удар за клубот кој пред две сезони беше на чело на Европа. Со 57 бодови има дури 6 заостанување зад Лестер, но предност за „Црвените“ е тоа што имаат и еден заостанат натпревар, па кај нив во игра наместо 9 се 12 бодови.
Манчестер Јунајтед (гости)
Вест Бром (гости)
Барнли (гости)
Кристал Палас (дома)
Освен овие, теоретски со шанси се и Тотенхем и Евертон, иако реално тешто дека ќе успеат да победат сѐ до крај, а ривалите пред нив на табелата да киксираат цело време. Евертон има 4 натпревари до крај, па со 12 бода во игра е во подобра позиција од Тотенхем.
Вулверхемптон (дома)
Астон Вила (дома)
Лестер (гости)
Астон Вила (гости)
Шефилд Јунајтед (дома)
Вулверхемптон (дома)
Манчестер Сити (гости)