Легендарниот германски тенисер Борис Бекер пред неколку дена беше пуштен од затвор, а веднаш по излегувањето на слобода даде интервју од кое заработи 500.000 евра.
Bild пренесе дека Бекер веднаш отишол на фризер за да ја промени бојата на косата и си го поврати имиџот по кој беше препознатлив.
Германскиот весник тврди дека е сместен во луксузен хотел во Минхен, а многумина ја критикуваа познатата ТВ куќа Sat1 која на Бекер му плати огромна сума за интервју.
„Да му дадеш толку пари на криминалец, подобро е парите да ги дадевте во хуманитарни цели“, „Како можевте да му ги дадете парите на тој криминалец, патетично“, „Треба да правите интервју со луѓе кои вредно и чесно работат 40 години, а едвај составуваат крај со крај“, се дел од коментарите кои ја возбудија јавноста по веста за сумата исплатена на Бекер.
Тој отслужи 8 месеци од две и пол години затворска казна на која е осуден откако се обиде да сокрие 2.5 милиони фунти и недвижнина, по прогласувањето на банкрот.