Во третиот натпревар од големото финале на НБА, кошаркарите на Бостон Селтикс на гостински терен го совладаа Далас Маверикс со 106:99 и со тоа дојдоа на чекор до титулата шампион во НБА.
Џејсон Тејтум беше одличен со 31 поен, 6 скока и 5 асистенции, додека Џејлен Браун додаде 30 со по 8 скока и асистенции.
Во победничката екипа двоцифрен беше и Дерик Вајт со 16 поени, 5 скока и 4 асистенции.
На другата страна, Кајри Ирвинг постигна 35 поени со 3 скока и 2 асистенции, додека Лука Дончиќ додаде 27 со по 6 скока и асистенции.
ПиЏеј Вошингтон мечот го заврши со 13 поени, 8 скока и 2 асистенции, а двоцифрен беше и Дерек Лајвли со 11 поени и 13 скока.
Следниот натпревар број 4 е ноќта од петок кон сабота кога Бостон Селтикс ќе има шанса со победа да го освои 18-тиот пехар и да стане најтрофејниот тим во историјата на НБА.
Натпреварот се игра во 2:30 часот во „Американ Ерлајнс Сентр“ арената во Далас, Тексас, а директен пренос во Македонија ќе оди на Arena Premium 1.
Boston takes a commanding 3-0 series lead in the NBA Finals!
— NBA (@NBA) June 13, 2024
The #NBAFinals presented by @YouTubeTV continue Friday at 8:30pm/et on ABC. pic.twitter.com/6KNRvuj0ha
