Во 16-тиот настап оваа сезона во НБА, Кливленд Кавалирс го доживеа првиот пораз, а тоа беше пораз од 120:117 во домот на актуелниот шампион во Бостон Селтикс.
Шампионите до победата ги предводеше Тејтум со 33 поени, 12 скока и 7 асистенции, а го следеше Хорфорд со 20 поени и 7 скока, додека Вајт додаде 19 со 6 скока и 5 асистенции. Браун постигна 17 поени со 8 асистенции и 3 скока, а Причард натпреварот го заврши со 13 поени, 3 асистенции и 2 скока, додека двоцифрен беше и Холидеј со 11 поени, 5 скока и 4 асистенции.
Кај Кавс најдобар беше Мичел со 35 поени, 8 скока и 3 асистенции, додека Мобли додаде 22 со 11 скока и 6 асистенции. Портер го заврши мечот со 15 поени и по 3 скока и асистенција, додека Нианг додаде 11 со 4 скока и 3 асистенции, а двоцифрени беа и Ален и Џером со по 10 поени. Ален додаде 11 скока и 2 асистенции, а Џером имаше 5 асистенции.
Кливленд и нбатаму е севкуепн лидер со скор 15-1, а на Истокотѕ зад него е бранителот Бостон со скор 12-3
Лејкерс ја победија Јута Џез со 124:118 со брилијантната партија на Далтон Кнехт кој постигна 37 поени 5 пет скока, а Дејвис и Џејмс додадоа по 26. Дејвис додаде и 14 скока и 6 асистенции, а Џејмс 12 асистенции и 2 скока. Двоцифрен беше и Ривс со 17 поени 5 асистенции.
Кај „Џезерите“, Марканен постигна 25 поени и 8 скока, додека Секстон додаде 19 со 4 асистенции, додека Кларксон, Колинс и Џорџ постигнаа по 18 поени. Кларксон додаде 4 скока и 2 асистенции, Колинс 8 скока и исто така 2 асистенции, а Џорџ 6 асистенции.
Ова е шеста победа во низа за Лејкерс, колку што има и Орландо Меџик. Тимот од Лос Анџелес е трет на Западот со скор 10-4.
Далас Маверикс го победи Њу Орлеанс Пеликанс со 132:91 со 26 поени и 5 скока и асистенции на Лука Дончиќ, додека Никола Јокиќ не настапи во гостинската победа на Денвер Нагетс над Мемфис Гризлис од 122:110.
Резултати:
Бостон Селтикс - Кливленд Кавалирс 120:117
Бруклин Нетс - Шарлот Хорнетс 116:115
Мемфис Гризлис - Денвер Нагетс 110:122
Далас Маверикс - Њу Орлеанс Пеликанс 132:91
Сан Антонио Спарс - Оклахома Сити Тандер 110:104
Лос Анџелес Лејкерс - Јута Џез 124:118
Табели:
