Возачот на Мерцедес, Валтери Ботас ја освои пол-позицијата за трката за Големата награда на Емилија-Ромања која ќе се одржи утре на автодромот „Енцо и Дино Ферари“ во Имола.
На денешните квалификации, Ботас за нецела десеттинка од секундата беше побрз од клупскиот колега Луис Хамилтон.
Од вториот ред ќе тргнат Макс Верстапен од Ред Бул и Пјер Гасли од Алфа Таури.
Од 5. до 10. место ќе се наредат: Даниел Ричардо од Рено, Алекс Албон од Ред Бул, Шарл Леклер од Ферари, Даниил Квјат од Алфа Таури, Ландо Норис и Карлос Саинс од Мекларен.
Почетокот на трката за Големата награда на Емилија-Ромања е закажан за утре во 13:10 часот.
