Црногорскиот репрезентативец Божо Анѓелиќ е новото засилување за Вардар. Тој игра на позиција на среден бек и во Вардар доаѓа од унгарски Ференцварош каде настапува од 2018 година, објави РК Вардар 1961.
Од клубот соопштуваат дека договорот со Анџелиќ е потпишан на една сезона со можност за продолжување на уште една.
Црногорецот е второто засилување во тимот за следната сезона, по Словенецот Нејц Цехте кој доаѓа од Бундеслигата.
Во својата кариера Анѓелиќ има настапувано за тимот на Црвена звезда, Малме, Цеглед, скопски Металург и Ференцварош.
