Фудбалерите на бразилската репрезентација заедно танцуваат на теренот откако ќе постигнат голови на Светското првенство во Катар.
На натпреварот против Јужна Кореја им се приклучи дури и селекторот Тите. Не им се допадна на сите, па дури имаше и критики дека ваквото славење на голови го понижува противникот.
„Оние кои не го сакаат нашиот танц ќе имаат проблем, бидејќи ние ќе продолжиме да танцуваме и не ни е гајле“, изјави бразилскиот напаѓач Рафиња, пренесува ESPN. Т
Бразилците имаат широк репертоар на танци, а кореографијата ја вежбаат на тренинзи.
Песните и танцовите ги наоѓаат на социјалните мрежи. За да бидат добро координирани во танцувањето задолжени се Нејмар, Винисиус, Рафиња и Лукас Пакета.
Подготвен е настапот за Хрватска
„Во осминафиналето на првиот гол против Јужна Кореја танцувавме Pagodao do Birimbol, музика на Os Quebradeiras со продукција на Machades, која е најслушана содржина на TikTok во моментов, а против Хрватска игравме на Warm up Senta Senta Suave, песна на пејачот Буарк, пријател на Винисиус Јуниор, во соработка со Кевин О’Крис“, откри Пакета.
Бразил е фаворит на Мундијалот од почетокот на натпреварувањето. Од досега одиграните четири натпревари имаат три победи. Тие загубија само во последното коло од групната фаза, кога втората постава играше против Камерун.
Хрватска и Бразил играат во четвртфиналето в петок од 16 часот.