Легендарниот американски НФЛ играч Том Брејди, му постави многу необично прашање на Илон Маск, кое брзо стана хит на интернет.
Имено, славниот спортист го праша Маск дали доколку стане сопственик на Twitter, засекогаш ќе ја избрише неговата стара фотографија, мислејќи на онаа на која позира во боксерки за драфтот, а изгледа сосема поинаку од денес.
Неговото прашање досега собра над 250.000 лајкови, а многумина брзо ја пронајдоа фотографијата за која пишува Брејди.
Засега Маск му нема одговорено на Брејди, иако бил активен на Twitter откако квотербекот го постави прашањето.
И додека целата ситуација насмеа многумина, други предупредија на проблем кој може да настане доколку Маск стане сопственик на Twitter.
„Доколку таа социјална мрежа се приватизира, моќниците ќе можат да управуваат со сите содржини што ќе бидат објавени“, „Токму ова е проблемот со Маск кој би можел да го поседува Twitter. Сè на платформата ќе биде филтрирано според желбите на господинот Маск. Било кој проблем и нешто што Маск не сака да се шири, ќе може да го цензурира. Тоа е опасно“, забележаа некои твитерџии.
Да потсетиме, Маск синоќаа понуди 41,4 милијарди долари за купување на Twitter, откако купи повеќе од 9% од акциите, што го прави еден од најголемите акционери на оваа социјална мрежа.
Маск рече дека во случај неговата понуда да не биде прифатена, „ќе ја разгледа својата позиција како акционер“.