Долгоочекуваното интервју во кое Меган и Хари гостуваа кај Опра одекна во светот, а особено ги налути Британците кои бараат да им бидат укинати титулите, тврдејќи дека покажале големо непочитување кон кралицата Елизабета.
Реагираше и британскиот водител Пирс Морган, кој често ги критикува Меган и Хари.
„Ова интервју е срамотно предавство на кралицата и кралското семејство. Очекував вакво злобно и деструктивно себично однесување од Меган Маркл, но дека Хари ќе ѝ дозволи вака да зборува за неговото семејство и за монархијата, е срамно“, напиша тој на Twitter.
Тој не застана овде.
„Хари сака Америка и остатокот од светот да го мразат неговото семејство, монархијата и неговата држава. Предлагам да почекаме жртвите од дивеењето на неговата сопруга да проговорат, пред да почнат со омраза“, додаде тој во друга објава.
Тој потсети дека додека Хари и Меган два саата зборуваа за монархијата и кралицата, 99-годишниот принц Филип е сериозно болен и опериран од срце.
Се огласија и други Британци, кои реагираа за интервјуто на Хари и Меган.
„Дали Меган го нарече кралското семејство расисти? Таа се обидува да направи проблем со ова интервју, а станува збор за семејството на Хари. Лично, мислам дека треба да им бидат одземени титулите, отидоа предалеку со ова“, смета еден твитерџија.
„Се надевам дека кралицата ќе им ги одземе титулите кои им ги даде на Хари и на Меган пред три години“, мисли друг Британец.
„Меган и Хари се навреда за оваа земја, нејзиното височество би требало да им ги одземе титулите“, се согласува друг.