Британската војска претстави нов воен дрон опремен со оружје, а кој со помош на вештачка интелигенција ќе ги открива целите и ќе може да лета во затворен простор.
Ова беспилотно летало наскоро ќе биде опремено со рачен фрлач и пушка. Дронот е креиран и наменет за употреба во густо населени подрачја, а на војската ќе ѝ овозможува увид во тоа што ги чека на целната дестинација.
Војската во Авганистан имаше многу жртви во текот на рациите, а новиот дрон би можел да спречи некои од тие настани. Леталото првин ќе влегува во згради, ќе ги идентификува можните мети и ќе испраќа фотографии од тоа што ќе го сними камерата.
Исто така, новиот дрон ќе може да соборува други летала од небото. Информациите за дронот се објавени месец дена откако американските војска направи второ тестирање на воени дронови.
