Сајмон Кауел стави точка на приказната за британскиот X Factor, пишува Variety. Познатиот продуцент одлучи по 17 години прикажување да нема повеќе снимање нови сезони.
Првата сезона на британскиот X Factor беше прикажана во 2004 година и оттогаш беа емитувани 445 епизоди од кои последната беше прикажана во 2018 година.
Емисијата паузираше во текот на 2020 година поради пандемијата, а на публиката ѝ беше најавено дека новата сезона ќе биде прикажана оваа година. Но, според најновите информации, X Factor повеќе нема да се врати на малите екрани.
Кауел, креаторот на оваа натпреварувачка емисија, одлучи дека е време да се стави крај на приказната и да се фокусира на нови проекти.
Variety пишува дека продуцентот во следниот период ќе се фокусира на новата квиз емисија Walk The Line. Концептот на емисијата е замислен така што учесниците ќе пеат и ќе одговараат на прашања од жирито, натпреварувајќи се за високи парични награди.